Niratham anthem

ನಿರತನಾಗಿರು ಕರ್ಮದಲಿ ಫಲದಾಸೆಯಿಲ್ಲದೆ l

ಫಲವು ಹಲವಲ್ಲ ಕರ್ಮವು ಹಲವು ll

ನಿರತನಾಗಿರು ಕಾರ್ಯದಲಿ ಪರಿತಾಪವಿಲ್ಲದೆ l

ಫಲವು ಸ್ಥಿರವಲ್ಲ ಕರ್ಮವು ನಿತ್ಯವು ll

ನಿರತನಾಗಿರು ಕರ್ತವ್ಯದಲಿ  ಸ್ವಾರ್ಥವಿಲ್ಲದೆ l 

ಫಲವು ನಿನ್ನದಲ್ಲ ಕರ್ಮವೇ ಸತ್ಯವು ll 

ನಿರತನಾಗಿರು ನಿರಂತರ ಕಲಿಕೆಯಲಿ l 

ಫಲವು ಸುಖವಲ್ಲ ಕರ್ಮವೇ ಸಾಧನವು ll 

ನಿರತನಾಗಿರು ಸಮಾಧಾನ ಪ್ರಜ್ಞೆಯಲಿ l

ಫಲವು ನಗಣ್ಯ ಕರ್ಮವೇ ಗುರುವು ll

ನಿರತನಾಗಿರು ಪಸರಿಸಲು ಶಾಂತಿಯನು l

ಫಲವು ಜಗದೊಡೆಯನಿಗೆ ಕರ್ಮವೆನಗಿರಲಿ ll

ಓಂ ಶಾಂತಿ